19 июня 2013 г.
Ĕне сĕчĕ чĕлхи çинче, теççĕ. Çитермен выльăх продукци паманнине асра тытса Туçари "Тойсинская" агрофирмăра вĕсене валли апат çуллен çителĕклĕ хатĕрлеме тăрăшаççĕ. Кăçал кунта 60 тонна яхăн утă, сенаж - 280, силос 290 тонна янтăлама палăртнă.
Хуçалăхра нумай çул ỹсекен курăксем 160 гектар йышăнаççĕ, унтан 100 гектара яхăн вырнă. Типнĕ курăка С. Мулюков механизатор килĕнчи тракторĕпе пĕр вырăналла пуçтарать. Хыççăнах В. Плечов преслакан агрегатпа рулонсем тăвать. Ĕнерхи куна выльăхсене валли симĕс апат 30 тонна ытла турттарнă. Утă хатĕрлесе çитернĕ хыççăн силоспа сенаж хума пуçăнасшăн.
-Агрофирмăра тăрăшакансене те утă паратпăр. Типĕ курăка ял халăхĕ те хапăлласах туянать, - тет хуçалăхăн тĕп агрономĕ Г. Жуков.
Ĕнерхи кун тĕлне районĕпе:
нумай çул ỹсекен курăка 2420 гектар вырнă; 1425 тонна утă (39,4 процент) хатĕрленĕ; 3120 тонна (29,7 процент) сенаж хунă.
О. ПАВЛОВА.
Источник: "Авангард" (газета Батыревского района)