24 ноября 2010 г.
Туçа ял поселенинчи культурăпа халăх пултарулăх творчествин аталану центрĕ çумĕнче эстрада юррипе ташшине кăмăллакансен пултарулăх ушкăнĕ пĕремĕш хут сцена çине тухни иккĕмĕш эрне çеç. Ку ушкăнта шкул ачисем те, культура ĕçченĕсем те, юрра-ташша ăста ытти çынсем те пур. Пуçласа вĕсем хăйсен пултарулăхĕпе Анат Туçасене савăнтарнă. Ял халăхĕ сцена çине тухакан артистсене тăвăллăн алă çупса кĕтсе илнĕ, ăсатнă. Юрлакансен “Пике” тата “Янташ”, ташлакансен “Авангард” ушкăнĕ, уйрăм юрăçсен сцена ăсталăхĕ пурне те савăнтарнă.
Иртнĕ эрнере “Туçа ен шăпчăкĕсем” Пăлакассисене хăйсен пултарулăхĕпе тĕлĕнтернĕ. Çывăх вăхăтра артистсем Туçа ял поселенинчи ытти ялсенче те пулĕç.
Источник: "Авангард" (газета Батыревского района)