Публикации » Географи площадкинче "Ĕç десанчĕн" хастарĕсен тỹпи те пур

21 августа 2018 г.

Çак кунсенче Тутар Сăкăтĕнчи вăтам шкулти "Ĕç десанчĕн" бригада хастарĕсем районти халăха ĕçпе тивĕçтерекен центр урлă пĕр эрнене яхăн вĕренỹ учрежденийĕн картишĕнче çанталăка сăнаса тăракан метеорологи площадкине тунă çĕре хутшăннă. Кунта çамрăк географсене ĕçлеме мĕн пур услови çителĕклĕ: хĕвел тата экватор сехетĕнчен пуçласа çурçĕр çăлтăрне кăтартакан паллă таранах вырăн тупнă площадкăра. Вĕренỹ çулĕ пуçланнă хыççăн ачасем çак участокра кашни кунхи çанталăка сăнаса дневник çине çырса пыма та пултараççĕ. Çанталăк пулăмĕпе кăсăкланакан ытти çынсемшĕн шкул территоринчи площадка - чăн-чăн "барометр" пулĕ. Географсемшĕн вара урок ирттермелли хăтлă площадка.

Источник: "Авангард" (газета Батыревского района)