05 июня 2018 г.
"Çул - çăлтăрсем патне" республика конкурсне пĕтĕмлетнĕ. Ăна В. Терешкова космонавт "Восток-6" караппа Çĕр тавра çаврăннине халалласа йĕркеленĕ. Конкурса районсемпе хуласенчи 250 каччăпа хĕр хутшăнса ĕçсем тăратнă. Ĕçсене икĕ ỹсĕм çулне уйăрса хакланă. Ку чухнехи тата унчченхи космос карапĕсен моделĕсене ăсталакансене, ỹкерекенсене тата сăвă вулакансене палăртнă. Тутар Сăкăтĕнчи вăтам шкулти Р. Шарафутдинов (ертỹçи Г. Начаева) Валентина Терешкова уçлăха вĕçнĕ карап макетне ăсталаса пĕрремĕш вырăна тухнă.
Ресим 10 класс пĕтерчĕ. Çак енĕпе тахçанах интересленет. Малашлăхне те пурнăçра çакăнпах çыхăнтарасшăн.
А. ИВАНОВА
Источник: "Авангард" (газета Батыревского района)