24 апреля 2018 г.
Тутар Сăкăтри культура çуртĕнче Тутар культурин кунĕ иртнĕ, ял халăхне пысăк концерт программипе савăнтарнă.
Уява сцена хуçисемсĕр пуçне, Хирти Пикшик, Шăнкăртам, Кзыл Чишма, Кзыл Камыш ялĕсенчи пултарулăх ушкăнĕсем те хутшăннă.. Йыхрава Шăмăршă районĕнчи Виçпỹрт Шăмăршă, Тутар Республикинчи Пăва районĕнчи фольклор ушкăнĕсем те хапăл тунă, куракансене хăйсен юрри-ташшипе килентернĕ. Пухăннисене ял тăрăх пуçлăхĕ М. Хакимов, "Районти централизациленĕ клуб системин" директорĕ А. Петрова тата тĕп методисчĕ Ю. Езюков чун-чĕререн саламланă.
Источник: "Авангард" (газета Батыревского района)