Татарско-Сугутское сельское поселение Батыревского районаОФИЦИАЛЬНЫЙ САЙТ

Новая страница 1

Новая страница 1Портал районаАдминистрация Батыревского районаbanner
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Çитĕнỹ хăй тĕллĕн килмест

17 апреля 2018 г.

Тăван çĕршывăн Аслă вăрçи çĕнтерĕвĕ çинчен хывнă юрра Тутар Сăкăтĕнчи вăтам шкулти 10 класра вĕренекен В. Салихова юрланине пĕр хутчен çеç мар илтнĕ эпĕ. Залра ларакан халăх кашнийĕшĕнчех ура çине тăрса тимлет. Хĕрача ăна çынсен чĕрине витермелле шăрантарать. Çак юрăпа Василя конкурссене те хутшăннă. Дипломсене те тивĕçнĕ.

Вĕренỹ отличници В. Салихова. Уроксене кашнийĕнчех тĕплĕн хатĕрленет. Хушма литература сахал мар вулать. Тăрăшулăхне пулах вăл район, республика, Раççей шайĕнчи конкурссене хутшăнать, çĕнтерỹçĕсен йышне лекет.

Пуçарулăхĕ пурах Василян. Юлташĕсемпе те, аслисемпе те пĕр чĕлхе тупма пултарать. Хăй шутланине яланах пурнăçа кĕртме тăрăшать. Шкулти аслă классен канашĕн хастар членĕ вăл. Волонтерсен юхăмĕнче те палăрать. Шкул тата класс тулашĕнчи ĕçсенче тăрăшуллă.

Пушă вăхăтра ỹкерме ăста. Тĕрлĕ япаларан ал ĕçĕ ăсталама ỹркенмест. Ташă ушкăнне те кăмăлтан çỹрет.

"Орленок" çарпа патриотла вăйăсем те унсăрăн иртмеççĕ. Шкул ялавĕ çумĕнче тăма та ăнах шанаççĕ.

Музыка шкулĕнче фортепиано классне çỹренĕ вăл. Халĕ вокала хăнăхать. Çак енлĕ пултарулăхĕпе шкул, район чысне те сахал мар хỹтĕленĕ. Çавна май ăна Чăваш Ен Пуçлăхĕн стипендине илме тăратнă.

Шкултан иккĕн çак чыса тивĕçнисем. И. Хакимов 9 класра вĕренет. Тĕп предметсене тĕплĕн алла илме тăрăшать. Элективлă курссене, факультатив занятийĕсене çỹрет. "Çук" текен сăмаха илтейместĕн унран. "Эпĕ пулмасан кам пултăр" текен принцип малта тăрать каччăн. Кирек хăш ĕçе те кăмăлтан пуçăнать вăл. Вăхăтпа пĕлсе усă курма пĕлет. Класс ертỹçин шанчăклă пулăшаканĕ Инсаф. Юлташĕсене яланах пулăшма хатĕр.

Сăпайлă каччă спортпа çывăх. Футбол, хоккей секцийĕсене кăмăлтан çỹрет. Кĕрешỹ мелĕсене алла илет. Спортăн çак енĕсемпе тата алă вăй виçессипе, кире пуканĕ йăтассипе чылай ăмăртусенче мала тухнă. Кĕрешессипе республика çĕнтерỹçи пулса Раççей шайĕнчи ăмăртура призерсен шутне лекрĕ. Малашне те спортра пысăк кăтартусем тăвас ĕмĕтлĕ Инсаф. Ăнтăлăвĕ пуртан, тăрăшса вĕреннĕрен, ыттисемшĕн тĕслĕх пулнăран ЧР Пуçлăхĕн стипендине илет те И. Хакимов.

Источник: "Авангард" (газета Батыревского района)

Мой МирВКонтактеОдноклассники
Система управления контентом
429357 Чувашская Республика Батыревский район д.Татарские Сугуты, ул.Школьная,д.21
Телефон: 8(83532) 69-3-46
TopList Сводная статистика портала Яндекс.Метрика