23 марта 2018 г.
Çак кунсенче Тутар Сăкăтĕнчи вăтам шкул коллективĕ тепĕр савăнăçа пĕрле пайланă. Вĕсен ĕçтешĕ - ачасене тутар чĕлхипе литературине вĕрентекен Чулпан Илдаровна Вахитова Тутар Республикинче педагогсен професси ăсталăхне ỹстерес, малашлăхлă вĕрентỹ тĕллевĕсене сарас тĕллевпе Раççей шайĕнче йĕркелекен "Чи лайăх тутар чĕлхи тата литература учителĕ - 2018" конкурса хутшăнса çĕнтерỹçĕсен ушкăнне лекнĕ. Комисси унăн ĕçне "Наци йăли-йĕркине упраса хăварас" номинацире хакланă. Пултаруллă педагог-çĕнтерỹçĕ 10000 тенкĕлĕх сертификат илме тивĕçнĕ.
Сăмах май каласан, С. Вахитова асăннă шкулта 13 çул аслă вожатăйра тăрăшать, куçăмсăр майпа тутар чĕлхипе литературин уйрăмĕнче специальность илнĕ хыççăн ачасене тăван чĕлхене те вĕрентет. Икĕ ача амăшĕ общество пурнăçĕнче те хастар. Вăл хĕрарăмсен "Ак кафак" обществăлла организацин вырăнти уйрăмĕн председателĕ. Унăн хастарлăхĕпе ялта чылай мероприяти иртет.
Тепĕр ырă хыпара та асăнса хăвармалла. Асăннă коллективри Ф. Козлова тата Р. Сабитова педагогсем математикăпа информатика тата класс тулашĕнчи ĕçсемпе уçă уроксем ирттерсе республикăри методика фестивалĕнче виççĕмĕш тата иккĕмĕш (йĕркипе шутласа) вырăнсене йышăннă.
Источник: "Авангард" (газета Батыревского района)