20 марта 2018 г.
Ку чухне шкул ачин тавракурăмне анлăлатма, сывлăхне çирĕплетме шкулсенче мĕнпур услови çителĕклĕ темелле. Тĕрлĕрен кружок, секци ĕçлет. Тутар Сăкăтĕнчи вăтам шкулта та вĕсем çителĕклех. Вĕсенчен пĕри - Ильдар Козлов физкультура учителĕ ертсе пыракан шахмат кружокĕ. Кĕçĕн класранах çỹреççĕ унта хĕрачасемпе арçын ачасем. Акă, çак кунсенче çеç Н. Гайнуллин, А. Куликов, Д. Айзатуллов, И. Алиуллов, Р. Хафизов, А. Хамидуллова, Д. Айзатуллова шахматистсем тăрăшнипе Канашра иртнĕ зонăри ăмăртура команда хисеплĕ призлă вырăн çĕнсе илнĕ. Çакăн пирки хавхаланса пĕлтерчĕ хаçат редакцине шкул директорĕ Г. Сабитова.
Источник: "Авангард" (газета Батыревского района)