19 сентября 2017 г.
Юлашки çулсенче Тутар Сăкăтĕнчи вăтам шкулта вĕренекенсем республика шайĕнчи спорт ăмăртăвĕсене çеç мар, Раççейрисене те пысăк хастарлăхпа хутшăнаççĕ. Çакă чăн малтанах физкультура учителĕсен мăнаçлăхĕ, коллективăн савăнăçĕ. Нумай пулмасть ирĕклĕ майпа кĕрешекенсем республикăра мала тухассишĕн помост çине тухнă. Асăннă шкулти 9 класра вĕренекен И. Хакимов та вăйлинчен вăйлисем хушшинче хăйĕн пултарулăхне тĕрĕсленĕ. Каччăшăн пысăк ăмăрту ăнăçупа вĕçленнĕ. Хăйĕн виçинче (63 килограмм) Инсаф пĕрремĕш вырăн йышăннă, республикăри физкультурăпа спорт министерствин дипломне тивĕçнĕ.
Спортсменăн килти архивĕнче ку республика шайĕнчи пĕрремĕш парне мар, анчах çакнашкал ăнăçу юлашки ан пултăр.
Источник: "Авангард" (газета Батыревского района)