13 мая 2015 г.
АСЛĂ ÇĔНТЕРỸ 70 çул тултарас умĕнхи кун районти шкулсенче "Салтак пăтти" Пĕтĕм Раççейри акцие хутшăнса ветерансемпе, тыл паттăрĕсемпе кăвайт йĕри-тавра пуçтарăннă, салтак пăттине пĕçернĕ, вăрçă вăхăтĕнчи юрăсене юрланă, йывăр вăхăтсене аса илнĕ... Тутар Сăкăтĕнчи вăтам шкулта та çак мероприятие çỹллĕ шайра ирттерсе янă. Шкул стадионĕ çывăхĕнчи лапама пуçтарăннă волонтерсемпе аслă ăру çыннисем чылайччен аса илỹ ытамĕнче пулнă, ветерансем йывăр вăрçă çулĕсенчи самантсене тепĕр хут куç умне кăларнă, хурланнă та... 70 çул иртнĕ хыççăн тутанма тивнĕ салтак пăтти вара пурин кăмăлне те кайнă.
Источник: "Авангард" (газета Батыревского района)