11 марта 2015 г.
Вĕренỹ тытăмĕнчи çĕнĕлĕхсене сарас, пуçаруллă вĕрентекенсен ĕçĕпе паллашас тĕллевпе Тутар Сăкăтĕнчи вăтам шкулта районти акăлчан чĕлхине вĕрентекенсем пуçтарăнчĕç. Малтан уçă уроксен фестивалĕ иртрĕ. Унта 12 вĕрентекен хутшăнчĕ. "Чи лайăх акăлчан чĕлхи урокĕ" номинацире Патăрьелĕнчи пĕрремĕш вăтам шкулти Ф. Югаметова çĕнтерчĕ. Калас пулать, Фиалка Ринатовна кашни çулах çак фестивале хутшăнса урокĕсене çỹллĕ шайра ирттерет. "Класс тулашĕнчи чи лайăх мероприяти" номинацире çак йĕркесен авторĕ йышăнчĕ. З. Чабатова (Патăрьелĕнчи пĕр-ремĕш вăтам шкул), Н. Петрова (Пикшикри вăтам шкул), Т. Петрякова (Ыхра Çырминчи вăтам шкул), А. Рыбкина (Турханти вăтам шкул), В. Степанова (Ишлĕри пĕтĕмĕшле пĕлỹ паракан тĕп шкул), М. Ибетова (Шăнкăртамри Феизов ячĕллĕ вăтам шкул), С. Абейдуллова (Тутар Сăкă-тĕнчи вăтам шкул), Л. Якушева (Шăнкăртамри пĕрремĕш вăтам шкул), Н. Чернова (Сăкăтри вăтам шкул) тата Р. Еремеева (Алманчăри вăтам шкул) призерсем ята тивĕçрĕç.
Фестивале пĕтĕмлетнĕ май, вĕрентỹ пайĕн методисчĕсем А. Мифтахутдинова тата Л. Базунова фестивале хутшăннă вĕрентекенсене, экспертсене тата шкул администрацине чунтан тав турĕç, çĕнтерỹçĕсемпе призерсене дипломсемпе хавхалантарчĕç.
Фестивалĕн иккĕмĕш пайĕнче Патăрьелĕнчи пĕрремĕш вăтам шкулти З. Чабатова тата Ф. Югаметова акăлчан чĕлхипе ППЭ çинчен мастер-класс ирттерчĕç. Кăçалхи экзаменти çĕнĕлĕхсене шута илсе вĕрентекенсем çĕнни нумай пĕлчĕç. Малалла та пысăк ĕмĕтсемпе, хавхаланупа ĕçлес кăмăлпа саланчĕç вĕрентекенсем Тутар Сăкăт шкулĕнчен.
Н. КОШЕЛЕВА
Источник: "Авангард" (газета Батыревского района)