Публикации » Решида аппана кĕл чечеклĕ ылтăн çĕрĕ парнеленĕ

12 июля 2014 г.

ÇУЛТАЛĂК пуçланнăранпа пирĕн районта тăватă хисеплĕ ватă пĕр ĕмĕрхи юбилейне паллă турĕç. Вĕсенчен пĕри _ Тутар Сăкăтĕнчи Р. Азизова. Решида аппана çак паллă кун ячĕпе саламласа тăван-пĕтенĕ парне айнех тунă темелле. Анчах та чи кăмăлли те асра юлмалли çичĕ мăнукĕпе çичĕ кĕçĕн мăнукĕ Решида эпин сылтăм аллинчи ятсăр пỹрнине кĕл чечеклĕ ылтăн çĕрĕ тăхăнтартни. 100 çул тултарнă кинемей çакна тивĕçлех. Юратнă мăшăрĕпе вăл тăхăр çул çеç пурăнса юлайнă. Бедертдин упăшки Тăван çĕр-шывăн Аслă вăрçинче хыпарсăр çухалнă. Хĕрарăм тĕпренчĕкĕсене пĕчченех пурнăç çулĕ çине кăларнă. Шел, вĕсем амăшĕ пекех вăрăм ĕмĕрлĕ пулайман, çамрăклах пурнăçран уйрăлнă. Ватă паян икĕ мăнукĕпе пурăнать, вĕсемпе савăнать.

Источник: "Авангард" (газета Батыревского района)