21 сентября 2013 г.
ТУТАР Сăкăтĕнчи вăтам шкулта вĕренекенсене професси суйласа илме пулăшас тата ĕç рынокĕнчи лару-тăрупа паллаштарас тĕллевпе 8 _ 10 классенче вĕренекенсенчен ятарлă бригада йĕркеленĕ. Кăçалхи вĕренỹ çулĕнче кунта 40 ача çỹрет. "Ĕç десантĕнчи" хĕрсемпе каччăсем строительсене çĕнĕ шкула хăпартма, йĕри-тавра выртакан çỹп-çапа пуçтарма, территорине хăтлăх кĕртме чылай пулăшнă. Çамрăксене районти ĕçпе тивĕçтерекен центр тата тулли мар яваплă "Булат" пĕрлешỹ укçа-тенкĕпе хавхалантарать.
Çамрăксен бригади районпа республика шайĕнчи конкурссене, фестивальсене хутшăнать. Кăçал вăл Юхмапа Пăла тăрăхĕнче ирттернĕ тупăшура виççĕмĕш вырăн çĕнсе илнĕ.
Источник: "Авангард" (газета Батыревского района)