18 ноября 2009 г.
Пирĕн ентешсем район тулашĕнче те сахал мар пурăнаççĕ. Вĕсенчен чылайăшĕ ют вырăнта та халăхра пысăк хисеп, шанăç çĕнсе илнĕ. Тутар Сăкăтĕнче çуралса ÿснĕ Минтагир Насыбуллов хальхи вăхăтра Мускав облаçĕнчи Электроугли хулинчи пĕр пысăк предприятие ертсе пырать. Хăйĕн тивĕçне чунтан пурнăçланăран ăна рабочисем те кăмăллаççĕ. Çакна тепĕр тĕслĕх те çирĕплетет. Мускав облаçĕнчи 9-мĕш округпа пирĕн ентеше, М.Насыбуллова, хула депутачĕсен Канашĕн депутатне суйланă.
Депутатăн мăшăрĕ те хамăр районтанах, Именкассинчен. Хăй вара тăхăр ачаллă çемьере çуралса ÿснĕ, мăшăрĕпе ывăлпа хĕрне пурнăç çулĕ çине тăратнă.
Источник: "Авангард" (газета Батыревского района)