28 июля 2007 г.
Пĕлтернĕччĕ ĕнтĕ, Турханта А.А.Кокель художника асăнса Тĕнчери пĕрремĕш плэнер пырать. Унта хутшăнакансем – Украина тата Раççей художникĕсем – Турхан чиркĕвĕнче пулса курнă.
Вĕсене Петр Забегаев протоиерей кĕтсе илнĕ, чиркÿ историйĕпе, Алексей Кокелĕн пиччĕшĕ Григорий Кокель пурнăçĕпе паллаштарнă. Паллă ĕнтĕ, Г.Кокель епископа çитиччен ÿснĕ, вăл – чăвашран тухнă пĕрремĕш святой.
Çакăнтах Турхан ял тăрăх пуçлăхĕ А.Сымов хăнасене социаллă-культурăллă учрежденисен ĕçĕ-хĕлĕ, ял тăрăхĕн ку чухнехи социаллă-экономикăллă лару-тăрăвĕ çинчен каласа панă.
Источник: "Авангард" (газета Батыревского района)