06 июля 2018 г.
Утă уйăхĕн 4-мĕшĕнче Патăрьел районĕнчи Турхан ялĕнче Кокель ячĕллĕ Пĕтĕм тĕнчери пленэр уçăлнă.
Тĕнчипе паллă художникăн Алексей Кокелĕн тăван ялĕнче 12 çул каялла ирттерме пуçланă мероприяти вун-вун художника, ÿнер ĕçченĕсене çулсеренех пухать. Кăçал та унта тĕрлĕ регионтан килсе çитнĕ. Пленэр утă уйăхĕн 18-мĕшĕччен пырĕ, унăн программи чухăн мар. Художниксен тупăшăвĕсĕр пуçне Патăрьел тăрăхĕнче чăваш, тутар, мордва культурисен кунĕсем, ăсталăх сехечĕсем, тĕлпулусем, экскурсисем иртĕç. Ÿнерçĕсен ĕçĕсемпе яланхи пекех куравра паллашма май пулĕ. Пленэр «Туслăх кĕперĕ» литературăпа музыка каçĕпе вĕçленĕ.
Источник: "Авангард" (газета Батыревского района)