20 марта 2018 г.
Упамсари пуçламăш шкул-ача садне çỹрекенсем Турханти почта уйрăмĕнче экскурсинче пулчĕç. Вĕсене кунта Р. Федотова почтальонка кăмăллăн кĕтсе илчĕ. Ачасем Римма Валентиновнăна почта сумккине тултарма пулăшрĕç. Çĕнĕ хаçатсене пĕр çĕре, журналсене теприне, çырусене виççĕмĕшне вырнаçтарчĕç. Кашнийĕ çак тиеве йăтса пăхма хăтланчĕ. Ачасен хулпуççийĕ валли мар иккен.
Çитĕнекен ăру кунти ĕçченсене сăвăсемпе савăнтарчĕ.
А. ИВАНОВА
Источник: "Авангард" (газета Батыревского района)