Публикации » Çыншăн ырă туни çĕре ỹкмĕ

14 июня 2017 г.

 Юн çын организмĕнче чи кирлĕ компонент шутланать. Хăш-пĕр чухне ăна чирлĕ çынсем е инкек-синкеке лекнисем сахал мар çухатма пултараççĕ. Çавăнпа та вăл сиплев учрежденийĕсенче куллен кирлĕ. Çакна тĕпе хурса ирттерчĕç те ĕнтĕ Турханти врач амбулаторийĕнче Донор кунне. Унта 46 çын хутшăнчĕ. Врач амбулаторийĕнче, çывăхри фельдшерпа акушер пункчĕсенче ĕçлекенсем юн парассине хăйсен тивĕçĕ вырăннех хурса йышăнчĕç. Турханти психоневрологи интернатĕнче ĕçлекенсен те ырă кỹрес туйăмĕсем пысăк пулчĕç. 

Источник: "Авангард" (газета Батыревского района)