13 декабря 2016 г.
Кашни çын хăйĕн юнне парса теприн пурнăçне çăлма е ĕмĕрне тăсма пултарать. Нумай пулмасть Турханти врач амбулаторийĕнче иртнĕ Донор кунне çак таврара пурăнакансем хастар хутшăннă. Амбулатори врачĕ А. Кольцов тата медицина сестрисем чи малтанах хăйсем ыттисене тĕслĕх кăтартнă. Турханти психоневрологи интернатĕнче, вăтам шкулта вăй хуракансем те яваплăха туйнине палăртса хăвармалла.
Донор кунне 72-ĕн хутшăннă: 53 хĕрарăмпа 19 арçын. Турхантан, Çĕньялтан, Тури Чакăран, Шăхачран уйрăмах нумайăн юн пама килне.
Источник: "Авангард" (газета Батыревского района)