02 августа 2016 г.
Иртнĕ уйăхра Турханта Раççей тата ытти çĕршыв- сенчен пуçтарăннă сăрă ăстисен Х пленэрĕ питĕ тухăçлă та хастар ĕçлерĕ. Хальхинче Алексей Кокель çĕршывĕнче иртекен йăлана кĕнĕ симпозиума паллă та талантлă 14 ỹнерçĕ хутшăнчĕ. Вĕсенчен пĕри _ Раççей художникĕсен Союзĕн членĕ, Раççей тава тивĕçлĕ культура ĕçченĕ, Самара хулинчи ача-пăча музыка шкулĕн директорĕ В. Башкиров. Ĕç çынни çулталăкне халалланă пленэрта чылай сăрă ăсти паллă çынсен портречĕсене ỹкерме кăмăл тунă. Владимир Ивановичăн та ытти ĕçĕсемпе юнашарах чăваш тумне тăхăннă Катя сăнне пысăк хака тивĕçнĕ. Ахальтен мар ĕнтĕ пирĕн хисеплĕ ентешĕмĕр, Марина Карягина тележурналистка пуçарăвĕпе тата тăрăшăвĕ- пе çак чиперккен портретне Европа шайĕнче тухакан ача-пăча журнал хуплашки çине вырнаçтарнă. Çапла вара пленэр пĕлтерĕшĕ çеç мар, Турханта çитĕнекен "Нарспи" те тĕнчипех сарăлчĕ.
Источник: "Авангард" (газета Батыревского района)