11 июня 2015 г.
ЫТЛАРИКУН, июнĕн 9-мĕшĕнче, Турханти культура çуртĕнче А. Кольцов тухтăр хастарлăхĕпе донор кунне йĕркеленĕ. Пархатарлă ĕçе ял тăрăх пуçлăхĕ А. Сымов, районти вĕрентỹ пайĕн çамрăксемпе ĕçлекен центр методисчĕ А. Антонова, çамрăксен правительствин членĕсем тата пурне те чĕрĕлĕхпе хавхалану кỹрекен волонтерсем хутшăннă. Çавăнпа та донор кунĕ чăн-чăн уяв пек иртнĕ: çамрăксем юн паракансене юрласа, ташласа вăй-хăват кỹнĕ. Виçĕ сехетре тавра ялсенчен пуçтарăннă 115 çын юн панă. Вĕсен шутĕнчен Çĕньялти Мария Терентьева кăçалхипе 51-мĕш хут сăваплă ĕçе хутшăннă!
Источник: "Авангард" (газета Батыревского района)