25 марта 2015 г.
Турхан ял тăрăхĕнче "Тăван çĕршывăн Аслă вăрçинче 1941-1945 çулсенче çĕнтерỹ тунăранпа 70 çул" юбилей медалĕсене парасси вĕçленчĕ. Упамсара ăна 15ĕн илчĕç.
Ветерансене, тыл хастарĕсене ял тăрăх пуçлăхĕ А. Сымов, çумĕ И. Данилов, пуçламăш классен учительници Н. Егорова саламларĕç.
Чыса тивĕçнисенчен пĕри _ вăрçă инваличĕ М. Арланов. Митрофан Митрофанович (ялта ăна Юман тете тесе хисеплесе чĕнеççĕ) Смоленск патĕнчи çапăçăва минометчик пулса кĕнĕ. Вăрçă хирĕнче икĕ хутчен те аманнă. Паянхи кун хăйĕн аслă хĕрĕн çемйипе пурăнать. 11 мăнукĕпе, 10 кĕçĕн мăнукĕпе савăнать.
Источник: "Авангард" (газета Батыревского района)