19 ноября 2014 г.
"Тăван шкул" ыр кăмăллăх акци районта ăнăçлă пырать. Унта ытларах депутатсем, хастар предпринимательсем, предприятисемпе организацисен ертỹçисем хутшăнаççĕ. Ку хутĕнче чыс Турханти вăтам шкула та çитрĕ. Аркадий Сергеевич спортзал валли кĕрешнĕ чухне усă курмалли ашăксем (матсем) хатĕрленĕ. Вĕсене пиччĕшĕ ячĕпе В. Яковлев парса чыс турĕ. Вĕренекенсен умĕнче сăмах каланă май çитĕнекен ăрăва сывă пурнăç йĕркине тытса пыма ырлăх-сывлăх сунчĕ, кĕрешекенсен ретне тăма сĕнчĕ, ку енĕпе халь шкулта условисем тивĕçтернине пĕлтерчĕ. Турхансен унччен те кĕрешỹçĕсемпе хĕпĕртемелĕх пулнă-ха. Йăлана малалла тăсма татах та майĕ пур. Çак уйăх вĕçĕнче физкультура учителĕ, ирĕклĕ майпа кĕрешекенсен тренерĕ пулнă И. Рыбкин ячĕпе республикăри çамрăк кĕрешỹçĕсен ăмăртăвне ирттерме палăртнă. А. ИВАНОВА.
Источник: "Авангард" (газета Батыревского района)