08 февраля 2014 г.
Республика Пуçлăхĕн кубокĕшĕн пыракан шкул спартакиади шайĕнчи "Ылтăн шайба" тупăшуран пирĕн районти çамрăк хоккеистсем çитĕнỹпе таврăнчĕç. Финалти пĕрре-мĕш тата иккĕмĕш турсенче мала тухрĕç вĕсем. Ку хутĕнче ăмăртусем Елчĕкре иртрĕç. Район чысне унта 2001-2002 çулсенче çуралнă ачасем хỹтĕлерĕç. Вĕсем Çĕнĕ Ахпỹртри тĕп тата Турханти вăтам шкулсенче вĕренеççĕ. Çитĕнекен ăрупа ку енĕпе Н. Михайлов физкультура учителĕпе директорăн воспитани енĕпе ĕçлекен çумĕ А. Раевский ĕçлет. Хоккеистсем Елчĕксене 3:2, Тăвайсене 2:0 шутпа парăнтарчĕç.
Çитĕнỹпе ачасемпе çамрăксен "Паттăр" спорт шкулĕн администрацийĕ те кăмăллă.
Н. ХУРАМАЕВ
Источник: "Авангард" (газета Батыревского района)