21 декабря 2013 г.
ЫТЛАРИ КУН, раштавăн 17-мĕшĕнче, районта Раççейри чрезвычайлă лару-тăру министерствин Атăлçи регион центрĕнчи пушар хăрушсăрлăх енĕпе ĕçлекен тĕп специалисчĕ Сергей Мизинов пулнă. Шалти ĕçсен службин майорĕ Юхмапа Пăла тăрăхĕнче вут-кăварпа пулакан инкексене мĕнле парăнтарнипе, çын йышлă пурăнакан социаллă объектсенче пушар хăрушсăрлăх йĕркисене мĕнле пăхăннипе, ача-пăча учрежденийĕсемпе шкулсенче Çĕнĕ çул уявне мĕнле хатĕрленнипе кăсăкланнă. Çак тĕллевпех вăл Турханти психоневрологи интернатĕнче, районти пушар чаçĕнче пулса кунти лару-тăрупа паллашнă, кирлĕ сĕнỹсемпе методика пулăшăвĕ те парса хăварнă.
Источник: "Авангард" (газета Батыревского района)