04 июля 2012 г.
Июлĕн 4 – 22-мĕшĕсенче пирĕн республикăра пĕтĕм тĕнчери Кокель ячĕллĕ пленэр улттăмĕш хут йĕркелеççĕ. Ÿнер ăстисем малтан Атăлăн сулахай çыранĕнчи “Заволжье” çут çанталăк паркĕнче пулаççĕ. Юлашки эрнине Турханта ирттереççĕ. Пленэр координаторĕ – И.Н. Ульянов ячĕллĕ Чăваш патшалăх унивеситечĕн профессорĕ Владимир Васильев.
Пленэр йeркелÿçисем, малтанхи пекех, çаксем – Патăрьел район администрацийĕ, Турхан ял тăрăхĕ, “Хастар” ЯХПК, Раççей художниксен союзĕн Чăваш Енри уйрăмĕ, Украина Наци художникĕсен союзĕн Харьковри организацийĕ, ЧПУ, “Чувашия” санатори.
Пилĕк çулта пленэра хутшăннисем 500-е яхăн картина ÿкернĕ. Вĕсен пĕр пайĕ Алексей Кокелĕн тăван ялĕнче юлнă, 100-шĕ Чăваш патшалăх университечĕн ÿнер музейĕнче упранаççĕ. Çак тапхăрта пленэрта Украинăри, Раççейри паллă художниксем пулнă. Асăннă пулăм чăннипех икĕ çĕр-шыв, тĕнче пултарулăх лабораторийĕ темелле. Çыхăнусен çăл куçĕ – туслăх, хавхалану. Украина Наци художникĕсен Харьковри уйрăмĕн ертÿçи Виктор Ковтун Турхан çĕрĕ çинче тăватă хут пулнă. Харьков патшалăх дизайнпа искусствăсен академийĕн аспиранчĕсем Алексей Кокелĕн Чăваш патшалăх ÿнер музейĕнчи ĕçĕсене реставрациленĕ.
(Хамăр корр.).
Источник: "Авангард" (газета Батыревского района)