Публикации » Коллектив çитĕнÿ çулĕ çинче

Турханти психоневрологи интерначĕ районти чи пысăк ĕç коллективĕсенчен пĕри. Паян кунта 136 çын вăй хурать. Унăн хÿтлĕ-хĕнче сывлăх тĕлĕшĕнчен айванрах 248 çын тăрать. Çак кунсенче вĕсем çулталăк ĕç кăтартăвĕсене пĕтĕмлетрĕç. Хăйсене уйăрнă подразделенисен яваплă çыннисем З. Шайманова, Е. Ухварина, Н. Филиппова, О. Никитина, Г. Салмин çулталăк хушшинче тунă çитĕнÿсемпе, ÿсĕмсемпе, кăлтăксемпе тата малашнехи тĕллевсемпе паллаштарчĕç, хак пачĕç. Интернат ертÿçи А. Бабаев коллективăн малашнехи тĕллевĕсем çинче чарăнса тăчĕ, хăшпĕр ыйтусене çивĕчлетрĕ.

Интернатăн çитĕнĕвĕсем начар мар. Кулленхи ĕçсем-сĕр пуçне вĕсем районти, республикăра тата тулашри конкурс-ăмăртусенче хутшăнаççĕ, тăтăшах çĕ-нтереççĕ. “Тĕслĕхлĕ сывлăх сыхлав объекчĕ – 2008”, “Чи кăтартуллă культура объекчĕ – 2010”, “Тĕслĕхлĕ социаллă объект – 2011” хисеплĕ ятсене çĕнсе илни интернат историне çырăнса юлĕ.

Уйрăм çынсен çитĕнĕвĕ – коллектив савăнăçĕ. Пĕл-тĕр А. Алякин – сывлăха сыхлас тата социаллă аталану министерствин Хисеп грамотине, Л. Волкова – Тав çырăвне, А. Бабаев “Чăваш Республикин Патшалăх Канашĕн Хисеп грамотине тивĕçни те паха. Пухура ЧР Сывлăх сыхлавĕн министерствин представителĕ Зоя Кошкина республикăри социаллă аталану сферин ĕçĕ-хĕлĕпе, кăтартусемпе паллаштарчĕ, çынсене кăсăклантаракан ыйтусене хуравларĕ, сĕнÿ-канаш пачĕ, малашне те интернат коллективне яланхи пекех çирĕппĕн утса малтисен ретĕнче пыма сунчĕ.