27 августа 2011 г.
Çивĕч ăс-тăнлă, вĕренÿре пысăк çитĕнÿсемпе палăрнă ачасене хавхалантарас тĕллевпе çулленех пилĕк вĕренекене район администрацийĕн пуçлăхĕн стипендийĕпе тивĕçтереççĕ. Ырă йăлана 2001 çултан пурнăçа кĕртме тытăннă. 2011-2012 вĕренÿ çулĕнче сумлă стипендие вĕренÿри хастарлăхшăн Турханти вăтам шкулта XI класра вĕренекен Светлана Богданова, гуманитари ăслăлăхĕнчи çитĕнÿсемшĕн Ыхра Çырминчи вăтам шкулта Х класра вĕренекен Юля Кулакова, художествăпа культурăри пултарулăхшăн Сăкăтри вăтам шкулти XI класра вĕренекен Виолетта Анюрова, экологипе çут çанталăк сыхлавĕпе палăрнăшăн Патăрьелĕнчи 2-мĕш вăтам шкулта XI класра вĕренекен Эльвира Самакина, физкультурăпа спортра пысăк çитĕнÿсем тунăшăн Аслă Чементи вăтам шкулта Х класра вĕренекен Маша Самделова илсе тăрĕç.
Источник: "Авангард" (газета Батыревского района)