27 апреля 2011 г.
Чăваш Республикинчи сывлăх сыхлавĕпе социаллă аталану министерстви кашни çулах “Республикăра халăха тивĕçтерекен чи лайăх патшалăх учрежденийĕ” ята çĕнсе илессишĕн конкурс йĕркелет. Чăваш Енре çавăн пек 11 учреждени. Конкурса пĕтĕмлетнĕ чухне комисси учреждени ĕçĕ-хĕлĕнчи пур енлĕ кăтартусене те тишкернĕ: организациллĕ-административлă ĕç, пурлăхпа техника базине аталантарни, пурăнмалли, апатланмалли условисене лайăхлатни, медицинăпа социаллă ыйтусен тивĕçтерĕвĕ, культура ĕçĕ, хушма хуçалăха аталантарни тата ытти те. Çак кунсенче Турханти психоневрологи интернатне ырă хыпар çитнĕ. Виççĕмĕш çул ĕнтĕ вĕсем хăйсен ушкăнĕнче кăтартуллă учреждени ята çĕнсе илнĕ. Çакă коллективăн пысăк тивлечĕ.
Источник: "Авангард" (газета Батыревского района)