20 апреля 2011 г.
Çитĕнекен ăрăва тĕрлĕ енлĕ воспитани парас, хамăр пурăнакан тавралăха юратас, ăна тирпейлĕ тытма хăнăхтарас тĕллевпе Патăрьелĕнчи пĕрремĕш вăтам шкулта экологи ыйтăвĕпе юмах кăтартса конкурс иртнĕ. “Парксен маршĕ–2011” акци пынă май йĕркеленĕ конкурса Раççей космонавтикин çулталăкне, пĕрремĕш космонавт Ю.Гагарин тĕнче уçлăхне вĕçсе кайнăранпа 50 çул çитнине халалланă.
Конкурса районти 12 вĕрентÿ учрежденийĕнчен 102 сцена ăсти хутшăннă. Ачасем хăйсен юмахĕсенче космосри экологи темине уçса панă.
Сцена çинчи çивĕч тупăшура пĕрремĕш вырăна Патăрьелĕнчи пĕрремĕш вăтам шкул коллективĕ, иккĕмĕшне Первомайскисем, виççĕмĕшне Хирти Пикшикпе Турханти вăтам шкул коллективĕсем йышăннă. Источник: "Авангард" (газета Батыревского района)