06 апреля 2011 г.
Турханти психоневрологи интерначĕн пысăк коллективĕн ĕçĕ-хĕлĕ пирки çынсем район тата республика хаçачĕсенчен çеç мар, интернет çыхăнăвĕ урлă та чылай информаци пĕлеççĕ. Иртнĕ çул вĕсене республикăра пуçласа инвалидсемпе ĕçлеме çĕнĕ технологисем, мелсем туса хатĕрлес, хăйсен ĕç опычĕпе паллаштарас, социаллă сферăри работниксемпе стажировкăсем ирттерес тĕллевпе Атăлçи федераци округĕнчи экспериментсем тăвакан реестра кĕртнĕ. Çак кунсенче мероприятие йĕркелекенсенчен интернат ячĕпе Пĕтĕм тĕнчери футбол турнирне хутшăнма йыхрав çитнĕ. Коллектив ырă хыпара хапăлласа та савăнса йышăннă. Хальхи вăхăтра вĕсем çу уйăхĕн 19-21- мĕшĕсенче Чулхулара иртекен пысăк ăмăртăва кайма хатĕрленеççĕ.
Источник: "Авангард" (газета Батыревского района)