02 апреля 2011 г.
Пуш уйăхĕн 30-мĕшĕнче Çĕмĕрле хулинче географи учителĕсен пиллĕкмĕш фестивалĕ иртнĕ. Фестивальте вĕрентекенсем 19 уçă урок, класс тулашĕнчи виçĕ мероприяти ирттернĕ, виçĕ мастер-класс кăтартнă. Вĕсенче вара Патăрьел район чысне хÿтĕлекен учительсем те хăйсен анлă тавракурăмĕпе палăрнă. Турханти вăтам шкулти географи учителĕ В.Башмаков çÿллĕ шайра уçă урок ирттерсе виççĕмĕш вырăн çĕнсе илнĕ, диплома тивĕçнĕ.
Шăнкăртамри пĕрремĕш вăтам шкулти Р.Алеевăпа Р.Валитова вĕрентекенсем уçă урок кăтартса “Урок–маçтăрлăх тÿпи” номинацире палăрнă, дипломсемпе таврăннă.
Источник: "Авангард" (газета Батыревского района)