02 марта 2011 г.
“Хастар” ял хуçалăх производство кооперативĕнче нарăсăн 25-мĕшĕнче суйлавпа отчет пухăвĕ иртнĕ. Унта 2010 çулхи ĕçсене пĕтĕмлетнĕ, правлени тата сăнав совечĕн отчечĕсене итленĕ. Çавăн пекех кооператив килĕшĕвне пăхса тухнă, çулталăклăх бухгалтери балансне, 2011 çула валли производствăпа финанс планне çирĕплетнĕ.
Пухура кооператив председательне, сăнав совечĕн членĕсене суйланă. Ертÿçĕ тивĕçне пурнăçлама хальхинче те Н.Родионовах суйланă. Сăмах май, Николай Васильевич “Хастар” хуçалăха 2003 çултанпа ертсе пырать. Юлашкинчен ĕне ферминче скотникре тăрăшакан Г.Осипова тата сăнав совечĕн председательне П.Ершова “Хас-тар” ял хуçалăх производство кооперативĕн хисеплĕ ĕçченĕ” ятпа чысланă.
Пухăва Патăрьел район администрацийĕн АПК предприятийĕсемпе хутшăну йĕркелекен пай специалисчĕ М.Хафизов хутшăннă, хуçалăх ĕçне лайăхлатмалли майсем пирки тухса калаçнă.
Источник: "Авангард" (газета Батыревского района)