22 января 2011 г.
Кăрлачăн 19-мĕшĕ – Христос тĕнне ĕненекенсен чи авалхи уявĕсенчен пĕри, Кăшарни.
Ĕлĕкренпех çак кун чиркÿсенче шыва сăваплаççĕ. Юлашки çулсенче вара вак касса шыва кĕресси те йăлана кĕчĕ.
Юхмапа Пăла тăрăхĕнче кăçал Кăшарни уявне хатĕрленсе çичĕ ял поселенийĕ – Патăрьел, Сăкăт, Алманчă, Ыхра Çырми, Çĕньял, Первомайски, Турхан – вакăсем касрĕç, йĕри-таврари юра хырса тасатрĕç, ятарлă каçмасем ăсталарĕç.
Урамра пите чĕпĕтекен сивве пăхмасăрах пăрлă шыва кĕрекенсем сахал мар пулчĕç. Яланхи пекех Кăшарни уявĕнчи йăларан район администрацийĕн пуçлăхĕ Н. Глухов, унăн пĕрремĕш çумĕ Р. Селиванов, райадминистраци пайĕсен начальникĕсем, ял поселени пуçлăхĕсем те айккинче юлмарĕç, виçшер хут чăмса тухрĕç.
Источник: "Авангард" (газета Батыревского района)