22 января 2011 г.
Районта йăлана кĕнĕ спартакиадăсем сахал мар. Вĕсенчен пĕри– ял поселенийĕсем хушшинчи тĕрлĕ енлĕ спорт ăмăртăвĕ. Иртнĕ çулхи кăтартупа хăй тытăмлăх органĕсем хушшинче йĕркеленĕ тупăшура Хирти Пикшик ял поселенийĕ спартакиада çĕнтерÿçи пулнă. Иккĕмĕш вырăнта Патăрьел, виççĕмĕшĕнче Турхан ял поселенийĕсем.
Спартакиадăра спортсменсем 12 тĕрлĕ тупăшура ăмăртнă. Сывлăха çирĕплетес, сывă пурнăç йĕркине пăхăнас тĕллевпе йĕркеленĕ мероприятие уйрăмах Туçа, Нăрваш Шăхаль, Аслă Чемен, Первомайски ял поселенийĕсем хастар хутшăннă. Çав вăхăтрах Çĕньял, Шăнкăртам, Ыхра Çырми, Алманчă ял поселенийĕсен ку тĕлĕшпе пуçарулăха ÿстермелле.
Ял поселенийĕсем хушшинче йĕркеленĕ спартакиада кăçал та иртет. Хальхинче спорт мероприятине 19 ял поселенийĕ те хастар хутшăнасса шанас килет. Источник: "Авангард" (газета Батыревского района)