Публикации » Кĕрхи балл пурин кăмăлне те кайнă

03 ноября 2010 г.

Турханти психоневрологи интернатĕнче кĕр мăнтăрĕпе иртекен уяв йăлана кĕнĕ. Нумай пулмасть коллективра йĕркеленĕ кĕрхи балл пурин кăмăлне те кайнă. Уявăн пĕр пайĕ килти хушма хуçалăхра çитĕнтернĕ çимĕçсенчен хатĕрленĕ апат-çимĕçĕн конкурсĕ. Кĕрекене пуянлатма 11 конкурсант хутшăннă. Жюри чле-нĕсене чи-чи ăста хатĕрленĕ çимĕçсене пахаласа хак пама çăмăлах пулман. Çапах та интернатра кĕпе-йĕм çунă çĕрте тăрăшакан А.Шагарова хатĕрленĕ техĕмлĕ чăваш шăрттанĕ конкурсра чи нумай балл пуçтарса пĕрремĕш вырăн йышăннă. Иккĕмĕш вырăнта –О.Никитина социаллă работникпа З.Шайманова медсестра.

Источник: "Авангард" (газета Батыревского района)