04 сентября 2010 г.
Турханти вăтам шкулта Пĕлÿ кунĕнче 307 ача парта хушшине ларнă. Таврариl тăхăр ялтан вĕренме пуçтарăнаççĕ çак шкула. Мĕн пурĕ 17 класс-комплект. Пĕрремĕш хут 12 ача парта хушшине ларнă. Вĕсемшĕн çак уяв чи асра юлакан кун пулса юлĕ.
Çĕнĕ вĕренÿ çулĕ пуçланнă ятпа йĕркеленĕ мероприятие ял поселенийĕн пуçлăхĕ А. Сымов, райадминистрацин вĕрентÿ пайĕн пуçлăхĕ В. Осипов, учреждени, организаци ертÿçисем, педагогика ĕçĕн ветеранĕсемпе ашшĕ-амăшĕ хутшăннă.
Уявра вĕренÿ отличникĕсене, олимпиада призерĕсене, ĕçре палăрнă педагогсене Хисеп грамотипе чыс тунă.
Источник: "Авангард" (газета Батыревского района)