Публикации » Культура çурчĕ тирпейлĕ, ял-йыш та халь кăмăллă

21 августа 2010 г.

Культура çурчĕсем ялсенче пысăк вырăн йышăнаççĕ. Концерт е спектакль лартаççĕ, халăх савăнса клуб енне утать. Çамрăксем каçхине ташă каçне унта каяççĕ. Пухусене те çавăнтах ирттереççĕ. Хăтлă та илемлĕ культура çуртĕнче канса ларма та кăмăллă. Турханти культура ĕçченĕсем шăпах çак тĕллевпе учрежденинче пĕчĕк юсавĕсене пуçăннă. Чÿречесемпе алăксене тирпейленĕ, стенасемпе маччана штукатурка тунă, сăрланă. Турхансем халĕ хуть хăш уявра та пĕрле пухăнса савăнма пултараççĕ.

Источник: "Авангард" (газета Батыревского района)