05 июня 2010 г.
Район çыннисене эпир Алина Кудрявцева пултарулăхĕпе кĕскен паллаштарнăччĕ. Çавăн пекех хаçат страницисенче унăн çитĕнĕвĕсемпе те вулакансене пĕлтерсех тăратпăр. Хальхи вăхăтра Тури Тăрмăш хĕрĕ Шупашкарти Ф. Павлов ячĕллĕ музыка училищинче вĕренет.
Нумаях пулмасть Алина Элĕкре иртнĕ чăваш эстрада юррисен регионсен хушшинчи “Вирьял шевлисем” черетлĕ фестивальне хутшăннă. Сăмах май каласан, ку мероприятие 15 çул каялла ирттерме пикеннĕ. Çак тапхăрта 2500 юрăç хăйĕн пултарулăхĕпе тĕлĕнтернĕ. Вĕсем – Чăваш, Тутар, Мари республикинчен, Ульяновск облаçĕнчен.
Кăçалхи фестивале 23 юрăç хутшăннă. Грант-прие вара Алина Кудрявцева тивĕçнĕ.
Источник: "Авангард" (газета Батыревского района)