05 мая 2010 г.
Шупашкарта К. Иванов ячĕллĕ Чăваш патшалăх академи театрĕнче чи лайăх ĕç династийĕсен VIII слечĕ иртнĕ. Унта Чăваш Енрен 35 династи представителĕсем хутшăннă. Патăрьел районĕнчен – Турханти ял хуçалăх ĕçченĕсен, Чернышевсен çемйи династийĕ. Вĕсен пĕтĕмĕшле ĕç стажĕ 211 çулпа танлашать. Династи никĕслевçисем – Андрей Григорьевичпа Пелагея Николаевна Чернышевсем. Вĕсем “Россия” колхозра ĕçленĕ. Пелагея Николаевна “Хисеп палли” ордена тивĕçнĕ. Халĕ ватăсем пирĕн хушшăмăрта çук, вĕсен ĕçне ачисемпе мăнукĕсем тăсаççĕ.
Династи пуçлăхĕ – Сергей Андреевич. Вăл “Хастар” хуçалăхра 45 çул водительте ĕçленĕ. Унăн шăллĕ, Петр Андреевич, “Чăваш Республикин тава тивĕçлĕ механизаторĕ” хисеплĕ ята тивĕçнĕ.
Мероприятие хутшăннисене Чăваш Республикин Президенчĕ Николай Федоров саламланă, хаклă парнесемпе чысланă.
ЧР Сывлăх сыхлавĕпе социаллă аталану министрĕ Венера Муллина пуçтарăннисене тав туса сăмах каланă.
Источник: "Авангард" (газета Батыревского района)