06 марта 2010 г.
Турханти вăтам шкулта 5-7-мĕш класс командисем хушшинче пăр çинче шайбăпа хоккейла выляса мала тухассишĕн ăмăртусем иртрĕç.
Шкул чемпионĕ ятне 7 «а» класс команди тивĕçрĕ. 2-3 вырăнсене 7 «б» тата 5 «б» класс командисем пайларĕç. «Чи нумай шайба çапса кĕртекен» ята А. Осипов, «Чи лайăх тапăнса вылякан» ята К. Ефимовпа З. Егоров, «Чи лайăх хÿтĕлевçĕ» ята С. Осипов, «Чи лайăх вратарь» ята В. Андреев çĕнсе илчĕç. Çĕнтерÿçĕсене Хисеп хучĕсем парса чысларĕç. Эпир, шкул ачисем, пире пушă вăхăта усăллă ирттерме хоккей площадки туса панă çынсене тата шкул коллективне ырăпа асăнатпăр.
Источник: "Авангард" (газета Батыревского района)