20 февраля 2010 г.
Çак кунсенче районти ЗАГС пайĕнче аллăмĕш çĕнĕ мăшăра тата аллăмĕш «çĕнĕ кайăка» регистрациленĕ. Тури Тăрмăшри Алексей Васильевичпа Оксана Николаевна Афанасьевсен çемйине хĕрача хутшăннă. Анастасийăшăн ашшĕпе амăшĕ çеç мар, Виктория аппăшĕ те хĕпĕртенĕ.
Çак кунхинех Мăшăрлану керменĕнче тепĕр савăнăçлă мероприяти те пулнă. Тăрăнта пурăнакан Альбина Анатольевна Шашкинăпа Анатолий Александрович Токсаров çемье çавăрнă. Тĕлĕнмелле, анчах вĕсем те аллăмĕшсем пулнă.
ЗАГС пайĕн специалисчĕсем икĕ çемьене те асра юлмалли паллă кунпа саламланă, пурнăçра ырлăх-сывлăх, телей, юрату суннă. Источник: "Авангард" (газета Батыревского района)