17 февраля 2010 г.
Нарăсăн 12-13-мĕшĕсенче Шупашкарта эстрада юррисен «Кĕмĕл сасă» фестиваль-конкурсĕ иртнĕ. Ăна Чăваш наци конгресĕпе çамрăксен «Хастар» обществăлла организацийĕ йĕркеленĕ.
Фестивалĕн юлашки пĕтĕмлетÿ турĕнче республикăри 13 районтан тата Раççей Федерацийĕн пилĕк субъектĕнчен 26 сцена ăсти хутшăннă.
16-35 çулсенчи юрра-кĕвве юратакансем хушшинче пирĕн районти А. Кудрявцева хăйĕн пултарулăхĕпе тĕлĕнтернĕ. Алина Тури Тăрмăш хĕрĕ, çамрăклах хăйĕн пултарулăхне юрă тĕнчипе çыхăнтарнăран, тăхăр класс хыççăнах тĕп хуламăрти Ф. Павлов ячĕллĕ музыка училищине вĕренме кĕнĕ. Асăннă конкурсра вара Алина II степеньлĕ диплом тата ятарлă парнене тивĕçнĕ.
Источник: "Авангард" (газета Батыревского района)