11 июля 2009 г.
Ыран православи тĕнне ĕненекенсемшĕн Петрпа Павел апостолсен кунĕ. Питравра пуçласа çырла çинĕ, унтан тĕрлĕ апат-çимĕç хатĕрленĕ.
Çак кун пирĕн районшăн тепĕр уяв та. Турханта Район кунне паллă тăвĕç. «Кивçурт» уçланкă хăнасене йышăнма хатĕр. Пĕлтĕр Район кунĕ Первомайскинче иртрĕ. Юхмапа Пăла ен тăрăхĕн Аслă Арапуçĕнче пуçласа иртнĕ хаваслă уявне Чăваш Республикин Президенчĕ Н. Федоров та хутшăннăччĕ. Хальхинче те Турханта сумлă хăнасем сахал мар пулĕç.
Уяв 12 сехетре пуçланать. Кăмăл пуррисене унта çитсе курма сĕнетпĕр.
Источник: "Авангард" (газета Батыревского района)