07 ноября 2008 г.
Районта хамăр пурăнакан вырăна тирпей-илем кĕртес, йывăç лартса хăтлăх кÿрес уйăхлăх пырать. Çак яваплă тапхăра хăш-пĕр вырăнти администрацисем тĕпе хурса йышăнмаççĕ пулин те чылайăшĕнче вăл хастар йĕркеленсе пырать. Ку тĕлĕшпе, сăмахран, Турхан ял тăрăхĕнче темиçе хутчен те субботник йĕркеленĕ. Çак тĕллевпе Турханкасси вăрман хуçалăхĕн участокĕ тĕрлĕрен йывăç хунавĕпе тивĕçтернĕ, культура, сывлăх, вĕрентÿ учрежденийĕсенче ĕçлекен работниксем уйрăм çурт таврашне, урамсене, кану вырăнĕсене йывăçсем лартнă. Çак ĕçе йĕркелеме С.Манзуркин ял тăрăх депутачĕ хастар хутшăннă. Малашнехи пĕрлехи тивĕç – çамрăк йывăçсене тымар яма пулăшасси.
Источник: "Авангард" (газета Батыревского района)