27 сентября 2008 г.
Турханти вăтам шкулта çул-йĕр правилисене аса илес тĕллевпе эрнелĕх ирттернĕ. Пиллĕкмĕш-улттăмĕш классенче вĕренекенсем “Çул-йĕр паллисен хулинче” çул çÿрев-вăййа хутшăннă. Унпа 6 “б” класра вĕренекенсем çĕнтернĕ. Агитплакатсен конкурсне йĕркеленĕ. Вĕренекенсем вĕсенче çул-йĕр правилисене мĕнле пăхăнмаллине сăнланă. Конкурсра 5-7-мĕш классен плакачĕсене лайăх хак панă.
Вĕренекенсем районти ГИБДД пайĕн пропаганда инспекторĕпе Т.Борисовăпа тĕл пулнă. Класс ертÿçисем тематикăлла класс сехечĕсем ирттернĕ. Эрнен юлашки кунĕнче çиччĕмĕш-саккăрмĕш классенче вĕренекенсем “Эсĕ урама тухрăн” темăпа заняти йĕркеленĕ.
Источник: "Авангард" (газета Батыревского района)