27 сентября 2008 г.
Çак кунсенче райадминистраци çумĕнчи çул çитменнисемпе ĕçлекен комиссин черетлĕ ларăвĕ иртнĕ. Ларура ачасене тивĕçлĕ воспитани парайман çемьесене, çул çитмен ачасем преступлени тунă ĕçсене пăхса тухнă.
Упамсари пĕр çемье пирки йĕрке хуралĕн инспекторĕсем харăсах виçĕ протокол хатĕрленĕ. РФ административлă Кодексĕн 5.35 статйипе килĕшÿллĕн чăн малтанах ачине тивĕçлĕ воспитани парайманшăн амăшĕ ячĕпе çырнă. Шупашкарти училищĕре вĕренекен хĕрĕ ячĕпе вара икĕ ĕç. Пĕри – пĕчĕк хулиганла ĕçшĕн, тепри – обществăлла вырăнта ÿсĕр пулса хăйне йĕркеллĕ тытманшăн. 16 çулти чиперккен вара паян малашлăх валли пысăк пĕтĕмлетÿ тума сăлтавĕ пур. Хĕрупраç каçхине тантăшĕпе тытăçса çапăçни те, ÿсĕрĕличчен хăватлă эрех ĕçни те ăна чыс та, хисеп те тумасть.
Источник: "Авангард" (газета Батыревского района)