20 июня 2018 г.
Патăрьел районĕнче зоотехник-селекционерсен тат авыльăха искусствăллă майпа пĕтĕлентерекен техниксен республикăри конкурсĕ иртрĕ.
Ăмăрту тĕллевĕ - паха опыта сарасси тата выльăх ĕрчетекенĕн ят-сумне çĕклесси, професси шайне ỹстересси.
Конкурса чи пултаруллă специалистсем, районсенчи çĕнтерỹçĕсем пуçтарăнчĕç. Савăнăçлă уява уçнă май иртнĕ çулхи конкурс çĕнтерỹçи Валентина Подгорова (Шупашкар районĕ, «Атлашевский» ЯХК) Чăваш Республикин ялавне çĕклерĕ.
Пухăннисене ЧР Ял хуçалăх министерствин выльăх-чĕрлĕх ĕрчетес тата ăратлăх ĕçĕн пай пуçлăхĕ Светлана Мясникова, Чăваш Енри патшалăх ветеринарии службин ертỹçи Сергей Скворцов, Патăрьел районĕн администрацийĕн пуçлăхĕ Рудоль фСеливанов тата ыттисем саламларĕç.
Выльăха искусствăллă майпа пĕтĕлентерекен техниксен конкурсĕ 36-мĕш хут иртрĕ. Кăçал зоотехник –селекционерсене т емероприятие явăçтарма йышăннă. «Выльăх- чĕрлĕхрен продукци туса илесси ăратлăха çĕнетс епынинчен нумай килет. Куншăн зоотехник-селекционерсе мяваплă. Вĕсем тĕп кĕтĕве йĕркелеççĕ», - палăртрĕ уява уçнă май Сергей Скворцов.
«Юлашки вăхăтра выльăхран продукции илесси ỹссе хпырать. Хальхи вăхăтра ĕнерен çулталăкне 5-6 пин кг сĕт суни те вăтам кăтарту шутланать. 70-мĕш çулсенче вара кун пирки ĕмĕтленнĕ кăна, - терĕ Чăваш Республикин тава тивĕçлĕ зоотехникĕ Иван Козин. - Сăвăм 9 пин килограмран иртекен хуçалăхсем т епур. Çакă выльăх-чĕрлĕх ĕрчетекенсен тăрă-шулăхне кăтартать».
Конкурсăнтеори пайĕ Сăкăтри шкулта иртрĕ. «Мероприятие ăратлă выльăх ĕрчетекен хуçалăхсенчен специалистсем хутшăнаççĕ. Пысăк тухăçлă выльăх ĕрчетмесĕр хуçалăха аталантарма йывăр», - палăртрĕ Светлана Мясникова.
Специалистсем ыйтусене тăрăшсах хуравланине кура вĕсен шухăш-кăмăлне те пĕлес терĕмĕр. «Прогресс» хуçалăхра нумай пулмасть ĕçлетĕп. Ыйтусене йăнăш хуравласа намăс кураск илмест», - пĕлтерчĕ Елчĕк тăрăхĕнчен килнĕ Валентина Карсакова.
Хĕрлĕ Чутай районĕнчи «Коминтерн» хуçалăхăн зоотехникĕ Лидия Охтеркин авиççĕмĕш çул выльăх-чĕрлĕх отраслĕнче тăрăшать. Çавăнпа нумай шухăшласа-иккĕленс етăмарĕ, ыйтнине хăвăрт пурнăçларĕ. «Нумайăшĕ тĕрĕс хуравлани савăнтарать. Çакă вĕсем профессие лайăх пĕлнине кăтартать, - терĕ техник-осеменаторсен ĕçне хаклакан тĕп судья Вениамин Антонов.
Практика пайĕ «Красное знамя» хуçалăхăн сĕт-çу ферминче иртрĕ. Петр Никифоров ертỹçĕ каланă тăрăх, ЯХПКра 721 мăй ракаллă шултра выльăх, çа вшутра сăвăнаканни - 320 пуç. Кăçалхи 5 уйăхра аш – 31, сĕт 849 тонна туса илнĕ. Кăтартусем иртнĕ çулхинче нпалăрмаллах ỹснĕ. Виçĕ çул каялла кунта çĕнĕ ферма туса пĕтернĕ. Çутă, таса çĕрте канма, ĕçлеме условисем йăлта хпур. Хăнасем хуçалăхăн ĕçĕ-хĕлĕпе паллашнă хыççăн практика пайĕ пуçланчĕ.
Зоотехник-селекционерсен хушшинч еуйрăмах çивĕч иртрĕ вăл. Пысăк опытлисем, çамрăксем пĕлĕве ĕçре кăтартса пачĕç. Жюри кашни япалана шута илчĕ, санитарипе гигиенăна пăхăннине, приборсемпе тĕрĕс усă курнине тата ытти те.
Витери сывă ĕнесемпе пĕрлехчирли те пур иккен. Етĕрне районĕнчи «Ленинская искра» хуçалăхăн техник-осеменаторĕ Наталия Садовникова ăна çăмăллăнах палăртрĕĕ «Ĕнене сиплесен йĕркеллех пулать», - терĕ вăл ĕçне вĕçленĕ май.
Аслă ăру хушшинче çамрăксем ăмăртнине те курма хавас пулчĕ. «Аслă пĕлỹ илнĕ хыççăнах хуçалăха вырнаçрăм. Унччен икĕ çул конкурсра малти вырăнсене йышăнтăм. Осеменатор ĕçĕ çăмăл мар, çапах килĕшет. Хулара çуралса ỹснĕ пулсан та ял ĕçне суйласа илтĕм», - терĕ Çĕрпỹ районĕнчи «Колос» хуçалăхăн техник-осеменаторĕ Владимир Ефимов.
Пуян опытлă специалистсене те çăмăл пулмарĕ. Хăнăхнă, пĕлнĕ ĕç темелле, анчах жюри умĕнче алă çыхланчĕ. Техник-осеменаторсенчен Елена Николаева (Шупашкар районĕ, «Атлашевский» хуçалăх) мала тухрĕ. Ăна чемпион хăйăвне çакса ячĕç. Çамрăксенчен Владимир Ефимов (Çĕрпỹ районĕ, «Колос» ФГУП), ветерансенчен Мария Куракова (Йĕпреç районĕ, «Империя» агрофирма) палăрчĕç. «Чи лайăх зоотехник-селекционер» ята Мария Именова (Етĕрне районĕ, «Родина» пĕрлешỹ) тивĕçрĕ. Ветерансенчен Людмила Нрти (Патăрьел районĕ, «Красное знамя» ЯХПК), çамрăксенчен Екатерина Васильева (Шупашкар районĕ, «Чурачикское» пĕрлешỹ) уйрăмах хастар пулчĕç.
Çĕнтерỹçĕсене дипломсемпе, парнесемпе хавхалантарчĕç. Вĕсем республика чысне Кировоблаçĕнче иртекен Пĕтĕм Раççейри конкурсра хỹтĕлĕç.
Лариса НИКИТИНА
Елена НИКОЛАЕВА, Шупашка ррайонĕнчи «Атлашевский» ЯХКан техник- осеменаторĕ, конкурс çĕнтерỹçи,
-Конкурс ыттисен ĕç-хĕлне пĕлме, профессири вăрттăнлăхсемпе паллашма май парать. Опыт пысăк пулсан та ăнланман ыйтусем сиксе тухаççех.Конкурсра çĕнтернĕшĕн савăнатăп, çав хушăрах яваплăх ỹсни кăштах шиклентерет, çывăх вăхăтра республика чысне хỹтĕлеме тивет-çке.
Светлана МЯСНИКОВА, ЧР Ял хуçалăх министерствин выльăх-чĕрлĕх ĕрчетес тата ăратлăх ĕçĕн пай пуçлăхĕ,
-Конкурс ыйтăвĕсем пурте ĕç-хĕлпе çыхăннă, ăратлăха лайăхлатса продукци илессине ỹстересси. Унсăр хуçалăха аталантарма йывăр. Республикăра 18 хуçалăхра ăратлă выльăх ĕрчетеççĕ. Шел, вĕсенчен пурте хутшăнаймарĕç. Малашне вĕсем те пĕлтерĕшлĕ мероприятирен юлмасса шанас килет.
Источник: "Хресчен сасси"