24 марта 2017 г.
Сăкăтри вăтам шкулта музыка вĕрентекенсен районти фестивалĕ иртрĕ. Малтанах вырăнти шкул директорĕ А. Падусев кĕскен вĕренỹ учрежденийĕн çитĕнĕвĕсемпе паллаштарчĕ. И. Медведев музыка учителĕ вăхăтсăр пурнăçран уйрăлнине асăнчĕ, ăна музыка вĕрентекенĕсем манманнине палăртрĕ. Игорь Ильича халалласа шкулта виççĕмĕш хут районти çакнашкал мероприяти иртет.
Фестивальте Тутар Сăкăтĕнчи вăтам шкулта ĕçлекен Л. Хасянова Австри композиторĕ Франц Шуберт 220 çул тултарнине халалланă презентацие кăтартрĕ, районти музыка вĕрентекенĕсен пĕрлешĕвĕн ертỹçи Т. Базунова икĕ сасăпа юрлама вĕренмелли мелсемпе паллаштарса мастер-класс ирттерчĕ.
Малалла икĕ е виçĕ сасăпа тупăшса юрласси пуçланчĕ. Фестивале пурĕ 16 музыка учителĕ хутшăнчĕ. Патăрьелĕнчи пĕрремĕш вăтам шкулта вĕренекен хĕрсен ушкăнĕ П. Никитин ертсе пынипе кăçал та Гран-прие тивĕçрĕ.
Н. ТИХОНОВА, Пăлапуç Пашьелĕнчи вăтам шкулта музыка вĕрентекен
Источник: "Авангард" (газета Батыревского района)