14 февраля 2017 г.
Кăçалхи вĕренỹ çулĕнче Сăкăтри вăтам шкултан Республика Пуçлăхĕн стипендине тивĕçнисем хушшинче Анатолий Чиркин ячĕ те пур.
Выпускник вĕренỹ отличникĕ, общество пурнăçĕнчи пысăк хастар çеç мар, хăйĕн çитĕнĕвĕпе малтан мала ăнтăлакан спортсмен та. Каччă çамрăклах ирĕклĕ майпа кĕрешес тĕлĕшпе помост çине тухнă, ку тĕлĕшпе хăйĕн характерĕпе вăй-хăватне сахал мар пиçĕхтернĕ. Тăрăшни вара харама кайман. Спортсменăн портфолиовĕнче дипломсемпе Хисеп грамотисем çеç мар, медальсемпе кубоксем те пайтах. Çак кунсенче вара кĕрешỹçĕн вĕсен çумне тепĕр награда хутшăннă. Республикăра ирĕклĕ майпа кĕрешсе мала тухассишĕн иртнĕ ăмăртура Анатолий (тренерĕ В. Анюров) хăйĕн виçе ушкăнĕнче пьедесдалăн виççĕмĕш картлашки çине тăма тивĕçнĕ. Тупăшу хĕрỹ те çивĕч пулни куç кĕрет: ăмăртăва республикăри 16 районпа виçĕ хуларан 233 спортсмен хутшăннă.
Источник: "Авангард" (газета Батыревского района)